මෙම වසරේ පැවැත්වෙන එක්දින ලෝක කුසලාන තරගාවලියේ ශූරයන් වෙත පිරිනමන ශූරතා කුසලානය ඊයේ දිනයේ දී මෙරටට ළඟා වුණා. ලෝක කුසලාන ගමන් මගෙහි එක් කේන්ද්‍රස්ථානයක් වන ශ්‍රී ලංකාවට පැමිණි ලෝක කුසලානය අද දිනයේ පටන් මහජන ප්‍රදර්ශනය වෙනුවෙන් විවර වනු ඇත.

අද උදෑසන 9 සිට පස්වරු 2 දක්වා World Trade පරිශ්‍රයේදී කුසලානය ප්‍රදර්ශනය කරන අතර පස්වරු 3 සිට රාත්‍රී 8 දක්වා ගාලු මුවදොර පරිශ්‍රයේ දී මහජන ප්‍රදර්ශනය වෙනුවෙන් තැබීමට නියමිතය. සැප්තැම්බර් මස 15 වනදා ශූරයා කුසලානය මාධ්‍ය වෙත ප්‍රදර්ශනය කිරීමට නියමිතයි. එම අවස්ථාව වෙනුවෙන් ශ්‍රී ලංකා නායක දසුන් ශානක ද සහභාගි වීමට නියමිතය.