[vc_row][vc_column][vc_column_text]තරග 3ක් හෝ ඊට වැඩි විස්සයි විස්ස තරගාවලියදී එංගලන්ත කණ්ඩායම සිය මවුබිම තුළදීම පරාජයට පත් කළ පළමු ආසියාතික කණ්ඩායම බවට පත්වන්නට ශ්‍රී ලංකා කාන්තා කණ්ඩායම ඊයේ සමත් වුණා. ඒ එංගලන්ත කණ්ඩායමට එරෙහිව පැවති තෙවන විස්සයි විස්ස තරගය කඩුලු 7කින් ජයග්‍රහණය කිරීමත් සමගයි. ඒ අනුව ශ්‍රී ලංකා ක්‍රීඩිකාවන් ලොව අංක දෙකේ විස්සයි විස්ස කණ්ඩායම පරාජයට පත් කරමින් ඓතිහාසික ජයක් ලබාගත්තා.

එම ජයග්‍රහණය වෙනුවෙන් ශ්‍රී ලංකා කාන්තා ක්‍රිකට් පිලට ඇමරිකානු ඩොලර් 25,000 ක් හෙවත් රුපියල් ලක්‍ෂ 75 ක මුදල් ත්‍යාගයක් පිරිනැමීමට ශ්‍රී ලංකා ක්‍රිකට් ආයතනය තීරණය කොට තිබෙනවා. කාන්තා ක්‍රිකට් කණ්ඩායම මෙරටට පැමිණි පසු විශේෂ ඇගයීමේ උත්සවයක් ද පවත්වන බව ශ්‍රී ලංකා ක්‍රිකට් ආයතනය සදහන් කොට තිබෙනවා.[/vc_column_text][/vc_column][/vc_row]