එළඹෙන නොවැම්බර් 26 වන දින සිඩ්නි සික්සර්ස් කණ්ඩායමට එරෙහිව පැවැත්වෙන තරගය සදහා සඳහා සිඩ්නි ක්‍රිකට් පිටියේ විශේෂයෙන් කැපවූ ආසන කලාපයක් වන හඳුන්වා දෙන බව සිඩ්නි තන්ඩර් කණ්ඩායම නිවේදනය කොට ඇත. ඒ අනුව එම ආසන කලාපය ශ්‍රී ලංකා සුපිරි ක්‍රීඩිකා චමරි අතපත්තුගේ නමින් නම් කෙරෙන අතර එය ‘Chamari Bay’ ලෙසින් නම් කොට ඇත.

බහු සංස්කෘතික ක්‍රිකට් ප්‍රජාවක් පෝෂණය කිරීමට සහ ශ්‍රී ලංකා ක්‍රිකට් ලෝලීන්ට අමතක නොවන අත්දැකීම් ලබාදීම චමරි අතපත්තුගේ නමින් ආසන කලාපයක් නම් කිරීමට හේතු වී ඇත. චමරි අතපත්තු මෙවර තරගාවලිය තුළ සිඩ්නි තන්ඩර් කණ්ඩායම වෙනුවෙන් දැක්වූ දක්ෂතා හේතුවෙන් ඇය වෙනුවෙන් මෙලෙසින් ආසන කලාපය නම් කොට ඇත.

ඇය මෙවර සිඩ්නි තන්ඩර් කණ්ඩායම වෙනුවෙන් තරඟ 9 කදී කැපී පෙනෙන දස්කම් පාමින් ලකුණු 374 ක් රැස්කර ඇති අතර පන්දුවෙන් ද දස්කම් පාමින් කඩුලු 6ක් දවාගැනීමට සමත් වී ඇත.