[vc_row][vc_column][vc_column_text]ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ නැගී එන කණ්ඩායම් අතර තෙදින ක්‍රිකට් තරගාවලිය පෙබරවාරි මස 18 වැනිදා ආරම්භ වේ. ක්‍රීඩා සමාජ 26 ක් තරග වදින මෙම තරගාවලිය කාණ්ඩ 4 ක් යටතේ තරග වදිති.
මූලික වටය යටතේ තරග 72 ක් පැවැත්වෙන මෙම තරගාවලියේ සෑම කාණ්ඩයකම පෙරමුණ ගනු ලබන කණ්ඩායම් 4 අවසන් පූර්ව තරග සඳහා සුදුසුකම් ලබනු ඇත. කණ්ඩායමට ක්‍රීඩා කරනු ලබන ක්‍රීඩකයින් 11 දෙනාගෙන් නව දෙනෙකු අවුරුදු 23 න් පහළ ක්‍රීඩකයින් විය යුතු අතර අනෙක් ක්‍රීඩකයින් දෙදෙනා අවුරුදු 24 සිට 28 දක්වා වයස් මට්ටම්වල සිටිය යුතුවේ.
ශූරතාව දිනාගනු ලබන කණ්ඩායමට මුදලින් රුපියල් ලක්ෂ 5 ක් ද අනුශූරතාවට පත්වන කණ්ඩායමට රුපියල් ලක්ෂ 3 ක මුදල් ත්‍යාගයක්ද පිරිනැමීමට ශ්‍රී ලංකා ක්‍රිකට් ආයතන කටයුතු යොදා තිබේ. ඊට අමතරව තරගාවලියේ වීරයා, දක්ෂතම පිතිකරු, දක්ෂතම පන්දු යවන්නාටද මුදලින් ත්‍යාග පිරිනැමීමට පියවර ගෙන තිබේ.
අවසන් පූර්ව තරග අප්‍රේල් මස පළමු සහ දෙවැනි සතිවලදී පැවැත්වෙන අතර අවසන් මහ තරගය සිංහල අවුරුදු කාලයෙන් පසු හෙවත් අප්‍රේල් 22, 23 සහ 24 යන දිනයන්හිදී පැවැත්වෙනු ඇත.
ඒ ඒ කාණ්ඩ යටතේ ක්‍රීඩා කරනු ලබන ක්‍රීඩා සමාජ මෙසේය.
[/vc_column_text][/vc_column][/vc_row]
