[vc_row][vc_column][vc_column_text]ශ්‍රී ලංකා ක්‍රිකට් රසිකයන්ට සහ ක්‍රිකට් ක්‍රීඩකයන්ට සතුටු වීමට නොහැකි වසරක් ලෙස 2019 වර්ශයද ඉතිහාසයට එක් වෙද්දී සිදුවූ සියලුඅතපසුවීම්, වැරදි මග හැර නව දශකයක, නව වසරක නව බලාපොරොත්තු සමඟින් ක්‍රීඩා කිරීමට සිටින ශ්‍රී ලංකා ක්‍රිකට් කණ්ඩායමට2020 වර්ශය සඳහා නියමිත තරඟ සංචාරයන් සහ මෙරට පැවත්වෙන තරඟාවලි පිලිබඳ විස්තරයක් පහත වේ.

පෙර වසරවලට සාපේක්ශව ඉතා කාර්යබහුල වෙන 2020 වසරට අදාල තරඟ ආරම්භ වන්නේ ජනවාරි මස 5 වනදා සිට ආරම්භ වන විස්සයි විස්ස තරඟ තුනකින් යුත් ඉන්දියාව හා පැවත්වෙන තරඟාවලියෙනි.

එම තරඟාවලිය ජනවාරි 11 අවසාන වෙනවාත් සමඟම ජනවාරි 16වනදා සිට සිම්බාබ්වේ සංචාරයක් ශ්‍රී ලංකාව හා සංවිධානය කර ඇති අතර එම තරඟාවලියට ටෙස්ට් තරඟ දෙකක් ඇතුලත්වේ. මෙම සිම්බාබ්වේ තරඟ සංචාරය ඇතුලත් වූයේ පෙබරවාරි මස පැවත්වීමට නියමිත තිබූ එහෙත් අවලංගු වූ අයර්ලන්ත සංචාරය වෙනුවටය.

2020 වසරේ මෙරට පැවත්වෙන ප්‍රථම තරඟාවලිය ලෙස බටහිර ඉන්දීය කොදෙව් කණ්ඩායම මෙරට සංචාරය කිරීමට නියමිත අතර ඒ එක්දින තරඟ දෙකක් සහ විස්සයි විස්ස තරඟ දෙකක් සඳහා වේ.

ලෝක ටෙස්ට් ශූරතාවලිය යටතේ පැවත්වෙන තීරණාත්මක ටෙස්ට් තරඟ දෙකක් සඳහා එංගලන්ත කණ්ඩායම මාර්තු මස ශ්‍රී ලංකාවේ සංචාරය කිරීමට නියමිත වේ. එය මාර්තු මස 3 සිට 31දක්වා පැවත්වීමට නියමිතය.

මැයි මස 27 වන සිට ජූනි 17 දක්වා දකුණු අප්‍රිකාව මෙරට සංචාරය කිරීමට නියමිත අතර එම තරඟාවලියේන් පසු ජූනි 24 සිට ජූලි 27 දක්වා ඉන්දීය කණ්ඩායම මෙරටට පැමණීමට නියමිතය. එම තරඟාවලි දෙකටම එක්දින තරඟ තුනක් සහ විස්සයි විස්ස තරඟ තුන බැගින් සමන්විත වේ.

ජූලි 22 සිට අගෝස්තු 13 දක්වා බංග්ලාදේශ කණ්ඩායම ශ්‍රී ලංකාවේ ටෙස්ට් තරඟ දෙකක් ක්‍රීඩා කිරීමට නියමිතය. සැප්තැම්බර් මස පකිස්ථානය සහ එක්සත් අරාබි එමීර් රාජ්‍යයේ දී තරඟ 12කින් යුත් ආසියානු කුසලානය පැවත්වීමට කටයුතු යොදා ඇත.

සෙප්තැම්බර් 20 සිට ඔක්තෝබර් 1 දක්වා සිම්බාබ්වේ කණ්ඩායම එක්දින තරඟ තුනක් සහ විස්සයි විස්ස තරඟ දෙකක් සඳහා මෙරට සංචාරයක නිරත වීමට නියමිතය.

එම තරඟාවලියෙන් පසු වසරේ තීරණාත්මක තරඟාවලිය වන විස්සයි විස්ස ලෝක කුසලානය ඔක්තෝබර් 18 සිට නොවැම්බර් 16 දක්වාඉන්දියාවේ පැවත්වීමට නියමිත වේ.

2020 වසරේ අවසාන තරඟාවලිය ලෙස ලෝක ටෙස්ට් ශූරතාවලිය යටතේ ටෙස්ට් තරඟ දෙකක් සඳහා දකුණු අප්‍රිකාවේ සංචාරයක් කිරීමටශ්‍රී ලංකා කණ්ඩායම බලාපොරොත්තු වේ.

මෙම සියලු තරග ක්‍රීඩා කරන පිටි තවමත් තීරණය කරකොට නැති බව සලකන්න.[/vc_column_text][/vc_column][/vc_row]