ශ්‍රී ලංකා ක්‍රිකට් ආයතනයේ මෙහෙයවීමෙන් ක්‍රියාත්මක අන්තර් ක්‍රීඩා සමාජ පන්දුවාර විස්සයි-20 ක්‍රිකට් තරගාවලියේ ආරම්භක දිනයේදී සෑම තරගයකට වර්ෂාවෙන් බාධා එල්ල වූ නමුත් බ්ලූම්ෆීල්ඩ් සහ කැන්ඩි කස්ටම්ස් අතර තරගය පමණක් ප්‍රතිඵලයක් ගෙන දුන් තරගය බවට පත්විය. සමාරම්භක දිනයේදී තරග 4 ක් පැවැති නමුත්, බ්ලූම්ෆීල්ඩ් පිල විසින් කැන්ඩි කස්ටම්ස් පිලට එරෙහිව කඩුලු 5 ක ජයක් වාර්තා කර ගත්තා හැරුණු විට සී. සී. සී. සහ නුගේගොඩ, කුරුණෑගල සහ පානදුර සහ පොලිස් සහ රාගම යන තරග ප්‍රතිඵල රහිතව නිමාවට පත්විය. මෙහසිදී රාගමසහ පොලිස් අතර තරගය එකම පන්දුවක් හෝ නොයවා අත හැර දැමීම කැපී පෙනිණ.

පනාගොඩදී පැවැති තරගයේදී ඉසිරිත විජේසුන්දරගේ විනයගරුක පන්දු යැවීම හමුවේ කැන්ඩි කස්ටම්ස් පිල පන්දුවාර 16.3 කදී ලකුණු 78 කට සියලු දෙනා දැවී ගිය අතර එහිදී විජේසුන්දරගේ නම ඉදිරියෙන් ලකුණු 05 ට කඩුලු 3 ක් ලෙස සටහන් විය. ඊට අමතරව ජෙෆ්රි වැන්ඩර්සි සහ සචිත ජයතිල කඩුලු 2 බැගින් බෙදා ගත්හ.

එම හඹා යෑමේදී කැන්ඩි කස්ටම්ස් පන්දු යවන්නන් බ්ලූම්ෆීල්ඩ් පිලේ පළමු කඩුලු 5 ම දවා ගනිමින් හඹා යෑම අසීරුතාවයකට පත් කිරීමට සමත් වුවත්, තරිඳු ගුරුගේ සහ ළහිරු මදුශංක එක්ව පස්වැනි කඩුල්ල වෙනුවෙන් නොබිඳුණු ලකුණු 48 ක සම්බන්ධතාවක් පවත්වමින් බ්ලූම්ෆීල්ඩ් කණ්ඩායම නිරුපද්‍රිතව ජයග්‍රහණය කරා රැගෙන ගියය.

බ්ලූම්ෆීල්ඩ් පිලට කඩුලු 5 ක ජයක්

කැන්ඩි කස්ටම්ස් පන්දුවාර 16.3 කදී සියලු දෙනා දැවී ලකුණු 78 (තෙවිඳු දික්වැල්ල 25, ඉසිත විජේසුන්දර 05/3, සචිත ජයතිලක 12/2, ජෙෆ්රි වැන්ඩර්සේ 19/2

බ්ලූම්ෆීල්ඩ් පන්දුවාර 13.5 කදී කඩුලු 5 ට ලකුණු 81 යි – (තරින්ද ගුරුගේ 32, ලහිරු මධුශංක 25*, අස්ජාත් ඛාන් 17/3)

සී.සී.සී. – නුගේගොඩ තරගයට වර්ෂාවෙන් බාධා

සී.සී.සී. පන්දුවාර 5.3 කදී කඩුලු 3 ට ලකුණු 52 යි (පවන් ද සිල්වා 22, නිශාන් මධුෂ්ක 19*)

කුරුණෑගල – පානදුර තරගයට වර්ෂාවෙන් බාධා

පානදුර පන්දුවාර 15 කදී කඩුලු 5 ක් දැවී ලකුණු 81 යි – (හිරුන් කපුරුබණ්ඩාර 21)

පොලිස් සහ රාගම අතර තරගය එක්  පන්දුවක් හෝ නොයවා අතහැර දමන ලදී