[vc_row][vc_column][vc_column_text]ඔස්ට්‍රේලියාවට එරෙහිව පැවැත්වෙන තරග 3 කින් සමන්විත එක්දින තරගාවලියේ දෙවැනි තරගයද ජය ගනිමින් තරගාවලියේ ජයග්‍රහණය හිමි කර ගැනීමට දකුණු අප්‍රිකාව සමත්ව තිබෙනවා. තරගාවලියේ දෙවැනි තරගය පැවැත්වුණේ බ්ලූම්ෆොන්ටේන්හිදී.

තරගයේ පළමුවෙන් පන්දුවට පහර දුන් ඔස්ට්‍රේලියාව පන්දු වාර 50 අවසානයේ සියලු දෙනා දැවී ලකුණු 271 ක් රැස් කළා. නායක ඒරන් ෆින්ච් සහ ආර්චි ෂොර්ට් ලකුණු 69 බැගින් රැස් කළා. මිචෙල් මාෂ් ලකුණු 36 යි. පන්දු යැවීමේදී ලුන්ගි එන්ඩිනි ලකුණු 58 කට කඩුලු 6 ක් බිද හෙලුවා.

පිලිතුරු ලෙස දකුණු අප්‍රිකාව තරගය ජය ගත්තේ පන්දු වාර 48 යි පන්දු 3 ක් අවසානයේ කඩුලු 4 ක් දැවී ලකුණු 274 ක් රැස් කරමින්. ජානෙමන් මාලන් තම පළමු එක්දින ශතකය වාර්තා කරමින් නොදැවී ලබා ගත් ලකුණු සංඛ්‍යාව 129 ක්. ඔහුගේ ඉනිමට 4 පහර 7 ක් සහ 6 පහර 4 ක් ඇතුලත්. තරගයේ වීරයා සම්මානය ලුන්ගි එන්ඩිනිට සහ ජානෙමන් මාලන්ට හිමි වුණා.[/vc_column_text][/vc_column][/vc_row]