[vc_row][vc_column][vc_column_text]එංගලන්ත ප්‍රාන්ත ක්‍රිකට් තරගාවලිය යටතේ පැවැත්වෙන මාර්ලිබෝන් ක්‍රිකට් සමාජය සහ එසෙක්ස් ප්‍රාන්ත ක්‍රිකට් කණ්ඩායම අතර තරගය ලබන මාර්තු මස ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වීමට තීරණය කර තිබෙනවා.

ලබන මාර්තු මස යෙදී තිබෙන එංගලන්ත ක්‍රිකට් කණ්ඩායමේ ශ්‍රී ලංකා තරග සංචාරයට සමගාමීව මෙම තරගය පැවැත්වීමටයි නිතමිතව තිබෙන්නේ. සිව් දින තරගය වන මෙය මාර්තා මස 24 වැනිදා සිට 27 වැනිදා දක්වා පැවැත්වීමට නියමිතයි. එසෙක්ස් කණ්ඩායම මෙම තරගයට පිවිසෙන්නේ පසුගිය වසරේ ප්‍රාන්ත ක්‍රිකට් තරගාවලියේ ශුරයන් ලෙසින්. ඔවුන්ගේ ප්‍රතිවාදීන් වන මාර්ලිබෝන් කණ්ඩායමේ නායකයා ලෙස කටයුතු කරන්නේ ශ්‍රී ලංකා ක්‍රිකට් කණ්ඩායමේ හිටපු නායක කුමාර් සංගක්කාර. ඔහු මාර්ලිබෝන් ක්‍රිකට් සමාජයේ වතමන් සභාපතිවරයායි.

ලෝක ක්‍රිකට් ඉතිහාසයේ පැරණිම සහ කීර්තිමත්ම ක්‍රීඩා සමාජය ලෙස හැදින්වෙන මාර්ලිබෝන් ක්‍රිකට් සමාජයේ ඉංග්‍රීසි ජාතිකයෙකු නොවන පළමු සභාපතිවරයා වන්නේද කුමාර් සංගක්කාරයි. මෙම තරගයට සමගාමීව මාර්ලිබෝන් ක්‍රිකට් සමාජයේ වාර්ෂික සමුළුවද මෙහි පැවැත්වීමටයි සූදානම් කර ඇත.

[/vc_column_text][/vc_column][/vc_row]