[vc_row][vc_column][vc_column_text]

ඔරු පැදීමේ ක්‍රීඩිකා මහේෂි ලියනගේ Hangzhou හි පැවැත්වෙන 19 වැනි ආසියානු ක්‍රීඩා උළෙලේ Fuyang ජල ක්‍රීඩා මධ්‍යස්ථානයේ පැවති කාන්තා ඒකල ඔරු පැදීමේ Sculls ඉසව්වෙන් අවසන් පූර්ව වටයට සුදුසුකම් ලැබීමට සමත් විය. සමඟ පළමු ශ්‍රී ලාංකික ක්‍රීඩිකාව බවට පත්විය.

මහේෂි මීටර් 2000 දුර ප්‍රමාණය නිමා කළේ මිනිත්තු 08 තත්පර 53.68ක කාලයක් වැයකරමින්. ඇයගේ ප්‍රතිවාදියා වූ සෞදි ක්‍රීඩිකා අල්මාමි හයා මුහම්මද් එම තරගය අවසන් කිරීමට මිනිත්තු 9 තත්පර 18.16ක කාලයක් වැයවිය.

අද දිනයේ පැවති අනෙකුත් ඉසව් තුනේදීම ඉදිරි වටයන්ට සුදුසුකම් ලැබීමට ශ්‍රී ලංකා ක්‍රීඩිකාවන් අපොහොසත් වූ අතර මහේෂි ලියනගේ සහ ජයනි හිරුණිකා කාන්තා ද්විත්ව ස්කල් ඉසව්වෙන් 5 වැනි ස්ථානයට පත් විය.

පිරිමි කේවල ඉසව්වේදී මොහොමඩ් නෆිරාන් 4 වැනි ස්ථානයට පත් වූ අතර, පිරිමි ද්විත්ව ස්කල් ඉසව්වෙන් නුවන් සම්පත් හා නෆිරාන් තරග වැදුණු අතර ඔවුන් ඊළඟ වටයට පිවිසීමට අපොහොසත් විය.

ඊයේ පැවති බීච් වොලිබෝල් ඉසව්වලදී චතුරිකා මධුෂානි සහ දීපිකා බණ්ඩාර කාන්තා මූලික වටය තරග දෙකකට සහභාගි විය. එහිදී ශ්‍රී ලංකාව චීනය හමුවේ තරග වට 2-0ක් ලෙස පරාජය වූ අතර කසකස්තානයට එරෙහිව තරග වට 2-1ක් ලෙස තියුණු තරගයකින් පසු පරාජයට පත් විය.[/vc_column_text][/vc_column][/vc_row]