සංචාරක බටහිර ඉන්දීය කොදෙව් කාන්තා කණ්ඩායම සමගින් පැවැත්වෙන එක්දින තරගාවලිය සදහා වන ශ්‍රී ලංකා කණ්ඩායම නම් කොට තිබෙනවා. චමරි අතපත්තුගේ නායකත්වය යටතේ තරග වදින ශ්‍රී ලංකා කණ්ඩායමට ක්‍රීඩිකාවන් 16ක් ඇතුළත් වී තිබෙනවා.
විශ්මි ගුණරත්න, හර්ෂිතා සමරවික්‍රම, හසිනි පෙරේරා, නිලක්ෂි ද සිල්වා පිතිකාරිණියන් මෙම ක්‍රීඩිකාවන් 16 අතරට ඇතුළත් වද්දී ඕෂධී රණසිංහ, ඉනෝකා රණවීර, උදේශිකා ප්‍රබෝදනී පන්දු යැවීමේ බලඇනිය ශක්තිමත් කිරීමට සූදානම් සිටියි.
තරග 3කින් යුතු එක්දින තරගාවලියේ සියලු තරග හම්බන්තොට සූරියවැව මහින්ද රාජපක්ෂ ක්‍රීඩාංගණයේදී පැවැත්වෙයි. එක්දින තරග ත්‍රිත්වය ජුනි මස 15, 18 හා 21 දිනවලදී පැවැත්වීමට නියමිතය.
ශ්‍රී ලංකා කණ්ඩායම
1. චමරි අතපත්තු – නායිකාව
- විශ්මි ගුණරත්න
- හර්ෂිත සමරවික්‍රම
- හසිනි පෙරේරා
- නිලක්ෂි ද සිල්වා
- කවිෂා දිල්හාරි
- හංසිමා කරුණාරත්න
- ඕෂදී රණසිංහ
- ඉනෝෂි ප්‍රනාන්දු
- ඉනෝකා රණවීර
- උදේශිකා ප්‍රබෝධනී
- අචිනි කුලසූරිය
- සුගන්දිකා කුමාරි
- අනුෂ්කා සංජීවනී
15.කාව්‍යා කාවින්දි - සචිනි නිසංසලා
