[vc_row][vc_column][vc_column_text]ශ්‍රී ලංකා කඩු හරඹ (fencing) සංගමය වාර්ෂිකව සංවිධාන කරන ජාතික කඩු හරඹ ශුරතාව මෙවරත් පැවැත්වුණා. මෙවර තරගාවලිය සංවිධාන කර තිබුණේ 8 වැනි වරට.

දින තුනක් පුරා තරගාවලිය පැවැත්වුණේ කොළඹ රාජකීය විදුහල් ගෘහස්ථ ක්‍රීඩ‌ාංගණයේදී. ක්‍රීඩා සමාජ 9 ක් නියෝජනය කරමින් ක්‍රීඩක ක්‍රීඩකාවන් 224 දෙනෙකු මෙවර තරගාවලියට එක්ව සිටියා. තරගාවලියේ සමස්ථ ශුරතාව දිනා ගත්තේ එම් ඩී එස් ෆෙන්සින් ක්‍රීඩා සමාජයයි. ඔවුන් රන් පදක්කම් 4 ක් රිදී පදක්කම්ම 3 ක් හා ලෝකඩ පදක්කම් 4 ක් ලබා ගත්තා.

අනුශුරතාව හිමි වුණේ රන් පදක්කම් 3 ක්, රිදී පදක්කම් දෙකක් හා ලෝකඩ පදක්කම් දෙකක් දිනා ගත් ස්ලිම්ලයින් ක්‍රීඩා සමාජයට. තරගාවලියේ දක්ෂතම ක්‍රීඩකයා වුණේ රැපිඩ් ක්‍රීඩා සමාජයේ මංජුල ප්‍රනාන්දු. දක්ෂතම ක්‍රීඩිකාව ලෙස එම් ඩී එස් ෆෙන්සින් සමාජයේ නිෂානි ප්‍රනාන්දු සම්මාන දිනා ගත්තා.[/vc_column_text][/vc_column][/vc_row]