බංග්ලාදේශ වයස අවුරුදු 17න් පහල ක්‍රිකට් කණ්ඩායම සමග පැවති තුන්වැනි එක් දින තරගය ජය ශ්‍රී ලංකා වයස අවුරුදු 17 න් පහළ ක්‍රිකට් කණ්ඩායම සතු වුණා.
තරගය පැවැත්වුණේ ගල්ල අන්තර්ජාතික ක්‍රිකට් ක්‍රීඩාංගනයේදී.

වර්ෂාව හේතුවෙන් තරගයේ එක් ඉනිමක් සීමා කෙරුණේ පන්දු වාර 23කට.ඒ අනුව පළමුවෙන් පන්දුවට පහර දුන් බංග්ලාදේශ 17 න් පහල කණ්ඩාය සියලු ක්‍රීඩකයින් පන්දු වාර 17කදී ලකුණු 77 කට දැවී ගියා.අශානුල් හක් ලකුණු 29 ක් ලබා ගත්තා.පන්දු යැවීමේදී රයන් ග්‍රෙගරි සහ රසිත් නිම්සර කඩුලු තුන බැගින් බිඳ හෙලුවා.
පිළිතුරු ලෙස ශ්‍රී ලංකා 17 න් පහළ කණ්ඩායම තරඟය ජයගත්තේ පන්දුවාර 16.4 කදී කඩුලු තුනක් දැවී ලකුණු 80 ක් රැස් කරමින්.
සෙනුජ වැකුණගොඩ නොදැවී ලකුණු 30 ක් රැස් කලා.රෙහාන් පීරිස් ලකුණු 29 ක් ලබා ගත්තා.