ශ්‍රී ලංකාව සහ නවසීලන්තය අතර දෙවැනි ‍එක්දින තරගය හෙට හැමිල්ටන් හිදී පැවැත්වෙනවා. තරගාවලියේ ජයග්‍රහණය පිළිබඳ බලාපොරොත්තු තබා ගැනීමට නම්, ශ්‍රී ලංකාවට හෙට තරගයේ ජයග්‍රහණය අනිවාර්යයි.

තරගාවලියට සහභාගී වන ශ්‍රී ලංකා ක්‍රීඩකයින් අද තරගය පැවැත්වෙන හැමිල්ටන් ක්‍රීඩාංගනයේදී පුහුණුවීම්වල නිරත වුණා. හෙට ශ්‍රී ලංකා වේලාවෙන් උදෑසන 6.30ට තරගය ආරම්භවීමට නියමිතයි.

තරගාවලියේ පළමු තරගයෙන් ශ්‍රී ලංකාව පරදා කඩුලු 09ක ජයක් හිමිකරගැනීමට නවසීලන්තය සමත් වුණා. මෙතෙක් ඉතිහාසයේ ශ්‍රී ලංකාව සහ නවසීලන්තය අතර එක්දින තරග 106ක් පවත්වා තිබෙනවා.

ඉන්, තරග 53ක් නවසීලන්තයත්, තරග 43ක් ශ්‍රී ලංකාවත් ජයගත්තා. එක් තරගයක් ලකුණු සමවීමෙන් අවසන් වූ අතර, තරග 9ක් අවසන්ව ඇත්තේ, තීරණයකින් ‍තොරවයි.

ශ්‍රී ලංකාව නවසීල්න්තයට එරෙහිව එරටදී එක්දින තරගාවලියක් අවසන්වරට ජයගෙන ඇත්තේ, 2000 වසරේදී