බංග්ලාදේශ වයස 19 න් පහළ කාන්තා කණ්ඩායම සමග පැවති පළමු 20-20 ක්‍රිකට් තරගය කඩුලු 5 කින් ජය ගැනීමට ශ්‍රී ලංකා වයස අවුරුදු 19 න් පහළ කාන්තා කණ්ඩායම සමත් වුණා.

තරගය ඊයේ පැවැත්වුණේ, කොළඹ තර්ස්ටන් ක්‍රීඩාංගනයේදී.

තරගයේ පළමුවෙන් පන්දුවට පහර දුන්, බංග්ලාදේශ 19 න් පහළ කණ්ඩායම, පන්දුවාර 19 යි පන්දු 3 කදී සියලු ක්‍රීඩිකාවන් දැවී ලකුණු 109 ක් රැස් කළා.

ජනතුල් මව්වා ලකුණු 34 යි. සුමයියා අක්තර් ලකුණු 29 ක් රැස් කළා. පන්දු යැවීමේදී ලිමන්සා තිලකරත්න සහ රෂ්මිකා සෙව්වන්දි ‍කඩුලු 2 බැගින් බිඳහෙලුවා.

පිළිතුරු ලෙස ශ්‍රී ලංකා ක්‍රීඩිකාවන් තරගය ජය ගත්තේ, පන්දුවාර 18 යි පන්දු 5 කදී කඩුලු 5 ක් දැවී ලකුණු 112 ක් රැස් කරමින්. දහමි සෙනෙත්මා නොදැවී ලකුණු 29 යි. සුමුදු නිසංසලා ලකුණු 27 ක් රැස් කළා.