මෙවර එක්දින ලෝක කුසලාන තරගාවලියේ වැඩිම උඩපන්දු ගිලිහීමේ ප්‍රතිශතය ශ්‍රී ලංකාව ඉදිරියේ ලියැවී තිබෙනවා. ඒ ඔවුන් මෙවර තරගාවලිය තුළ උඩපන්දු 14ක් අත හැරීම හේතුවෙන්. ශ්‍රී ලංකා කණ්ඩායම මෙවර ලෝක කුසලාන තරගාවලිය තුළ උඩපන්දු 22ක් රැකගැනීමට සමත් වී තිබෙනවා. ඒ අනුව මෙවර තරගාවලිය තුළ දී ශ්‍රී ලංකාව උඩපන්දු සාර්ථකව රැකගත් ප්‍රතිශතය 61%ක් ලෙසින් සටහන්ව තිබෙනවා.
මෙවර තරගාවලිය තුළ වැඩිම උඩපන්දු ප්‍රමාණයක් අතහැර ඇත්තේ නවසීලන්තයයි. ඔවුන් උඩපන්දු 16ක් අතහැර ඇති නමුත් උඩපන්දු 40ක් සාර්ථකව රැකගැනීමට සමත් ව තිබෙනවා. ඒ හේතුවෙන් ඔවුන් 71%ක උඩපන්දු රැකගැනීමේ ප්‍රතිශතයක් සමගින් ශ්‍රී ලංකාවට ඉහළින් රැදීසිටීමට සමත් ව තිබෙනවා. මෙවර තරගාවලිය තුළ අඩුම උඩපන්දු ප්‍රමාණයක් අතහැර ඇත්තේ ඉන්දියාව, පාකිස්තානය, නෙදර්ලන්තය හා එංගලන්තයයි. වැඩිම සාර්ථක උඩපන්දු රැකගැනීමේ ප්‍රතිශතයක් හිමි වී ඇත්තේ සමස්ත උඩපන්දු 43න් 37ක් රැකගත් පාකිස්තාන කණ්ඩායමටයි
| කණ්ඩායම | සාර්ථකව රැකගත් උඩපන්දු | ගිලිහුණු උඩපන්දු | උඩපන්දු ගිලිහීමේ ප්‍රතිශතය |
| ශ්‍රී ලංකාව | 22 | 14 | 39% |
| නවසීලන්තය | 40 | 16 | 29% |
| ඇෆ්ගනිස්තානය | 20 | 8 | 29% |
| ඕස්ට්‍රේලියාව | 29 | 12 | 29% |
| බංග්ලාදේශය | 26 | 8 | 24% |
| දකුණු අප්‍රිකාව | 51 | 12 | 19% |
| එංගලන්තය | 26 | 6 | 19% |
| ඉන්දියාව | 25 | 6 | 19% |
| නෙදර්ලන්තය | 33 | 6 | 15% |
| පාකිස්තාන | 37 | 6 | 14% |
