[vc_row][vc_column][vc_column_text]එළඹෙන 17 වනදා ද.අප්‍රිකාවේදී ආරම්භ වන වයස අවුරුදු 19න් පහළ ලෝක කුසලාන ක්‍රිකට් තරගාවලියට සහභාගීවන ශ්‍රී ලංකා සංචිතය අද ප්‍රකාශයට පත්කොට තිබෙනවා. 15 දෙනෙකුගෙන් යුත් ශ්‍රී ලංකා සංචිතයේ නායකත්වය සුපුරුදු පරිදි වෙන්නප්පුව ජෝෂප් වාස් විදුහලේ නිපුන් ධනංජය විසින් හොඹවනු ලබයි.

ඔහු සමගින් කමිල් මිශාර , අහන් වික්‍රමසිංහ හා අශේන් ඩැනියෙල් ද ශ්‍රී ලංකා සංචිතය නියෝජනය කරන ක්‍රීඩකයන් අතර සිටී.
ආබාධයක් හේතුවෙන් බටහිර ඉන්දීය කොදෙව් තරග සංචාරය අහිමිවූ හුංගම විජයබා විදුහලේ ඩ්ල්ශාන් මධුසංඛ නැවතත් ශ්‍රී ලංකා කණ්ඩායමට පැමිණ ඇත.

පේරාදෙණිය රණබිම විදුහලේ ආදිශිෂ්‍ය හා වත්මන් නුවර ත්‍රිත්ව විද්‍යාලයේ ක්‍රීඩක මතීෂ පතිරණද ප්‍රබල ශ්‍රී ලංකා සංචිතය නියෝජනය කරනු ලබයි.

කෙසේ නමුත් ශාන්ත තෝමස් විද්‍යාලයේ යසිරු රොද්‍රිු හා මාරිස්ටෙලා විද්‍යාලයේ නවීන් ප්‍රනාන්දු හට ශ්‍රී ලංකා යොවුන් සංචිතයේ ඉඩකඩක් වෙන්ව නොමැත.

ඩිල්ශාන් මදුසංක , තවීශ අභිෂේක් , මොහොමඩ් ශමාස් හා මතීස පතිරණ එසෙල ශ්‍රී ලංකා කණ්ඩායමට එක්වන විට චාමිදු වික්‍රමසිංහ , යසිරු රුද්‍රිගු , ලක්ශාන් ගමගේ හා නවීන් ප්‍රනාන්දු ශ්‍රී ලංකා සංචිතයෙන් ඉවතට ගොස් ඇත.

ශ්‍රී ලංකා කණ්ඩායමේ ප්‍රධාන පුහුණුකරු ලෙස හෂාන් තිළකරත්න මහතා කටයුතු කරන අතර කළමනාකරු ලෙස ෆර්විස් මහරුෆ් මහතා කටයුතු කරයි.

ශ්‍රී ලංකා වයස අවුරුදු 19න් පහළ කණ්ඩායම මෙවර තරගාවලියේ A කාණ්ඩයෙන් ඉන්දියාව , නවසීලන්තය හා ජපානය සමගින් මූළික වටයේදී තරග කරනු ඇත.

ශ්‍රී ලංකා සංචිතය

නිපුන් ධනංජය (නායක) , කමිල් මිශාර , නවෝද් පරණවිතාන , අහන් වික්‍රමසිංහ , රවිඳු ද සිල්වා , සොනාල් දිනූෂ , මොහොමඩ් ශමාස් , තවීශ අභිෂේක් , චාමිදු විජේසිංහ , අශේන් ඩැනියෙල් , දිලුම් සුධීර , ඩිල්ශාන් මදුසංක , අම්ෂි ද සිල්වා , කවිදු නදීශාන් , මතීෂ පතිරණ

චානක මධුසාගර[/vc_column_text][/vc_column][/vc_row]