වෙළඳ සේවා හොකී තරගාවලියේ ශූරයන් ලෙසින් කිරුලු දරන්නට කොමර්ෂල් බැංකු හොකී කණ්ඩායම සමත් විය. ඒ අවසන් මහා තරගයේදී හැටන් නැෂනල් බැංකු කණ්ඩායම පරාජයට පත් කරමිනි. තරගාවලිය පසුගිය නොවැම්බර් මස 19වනදා

කණ්ඩායම නැවත වරක් ඔවුන්ගේ බැංකු ප්‍රතිවාදී හැටන් නැෂනල් බැංකුව පරදවා වෙළෙඳ සේවා 9A පැති හොකී තරගාවලියේ අපරාජිත ශූරයන් බවට පත් වූ අතර, තරගාවලිය 2023 නොවැම්බර් 19 වන දින ඒකල ගුවන් හමුදා හොකී සංකීර්ණයේදී පැවැත්විණි.

පළමු වටයේදී කොමර්ෂල් බැංකු කණ්ඩායම විසින් සම්පත් බැංකු කණ්ඩායම හා MAS Holdings කණ්ඩායම පරදවන්නට සමත් වූ අතර හැටන් නැෂනල් බැංකුව සමග පැවති තරගය ජය පරාජයෙන් තොරව අවසන් කළහ. තරගාවලිය ලීග් ක්‍රමයට පැවැත්වුණු අතර අවසන් මහා තරගය පැවැත්වුණේ ප්‍රසාද ලකුණු සටහනේ පෙරමුණේ පසුවන කණ්ඩායම් දෙක අතරයි. අවසන් මහා තරගයේදී හැටන් නැෂනල් බැංකු කණ්ඩායම පරාජයට පත් කරමින් ශූරතාවය දිනාගැනීමට කොමර්ෂල් බැංකු කණ්ඩායම සමත් විය.

තරඟ ප්රතිඵල;
තරගය 01
MAS Holdings කණ්ඩායමට එරෙහිව ගෝල 1-0 ලෙස ජයග්‍රහණය කළහ
ගෝල ලාභියා – මිලාන් ආරියවංශ

තරගය 02
HNB තරගය ජයපරාජයෙන් තොරව අවසන් විය

තරගය 03
සම්පත් බැංකුවට එරෙහිව ගෝල 1-0 ලෙස ජයග්‍රහණය කළහ.
ගෝල ලාභියා – අංජු හේවගේ

අවසන් තරඟය
හැටන් නැෂනල් බැංකුවට එරෙහිව ගෝල 1-0 ලෙස ජයග්‍රහණය කළහ.
ගෝල ලාභියා – අංජු හේවගේ