වම් දබර ඇඟිල්ලේ ආබාධයක් හේතුවෙන් බංග්ලාදේශ නායක ෂකීබ් අල් හසන් 2023 ICC ක්‍රිකට් ලෝක කුසලානයෙන් ඉවත් කොට ඇත. ඊයේ දිනයේ දිල්ලි හිදී ශ්‍රී ලංකාවට එරෙහිව පැවති තරගයේ පන්දුවට පහර දෙමින් සිටියදී ෂකීබ් මෙම ආබාධයට ලක් විය.

තරඟයෙන් පසුව ලබාගත් X-ray පරීක්ෂණයකින් අස්ථි බිඳීමක් වී ඇති බවට තහවුරු වූ අතර, නොවැම්බර් 11 වන දින පූනේහිදී ඕස්ට්‍රේලියාවට එරෙහිව පැවැත්වෙන තරගය ඔහුට අහිමි වනු ඇත.

ශකීබ් පන්දු 65කදී හතරේ පහර 12ක් සහ හයේ පහර 2ක් සමඟින් තරගයේ ජයග්‍රාහී ලකුණු 82ක් රැස්කල අතර, පන්දු යැවීමේදීද කඩුලු 2ක් දවාගැනීමට සමත් විය. තුන් ඉරියව් දස්කම් දැක්වීම හේතුවෙන් ඔහුට තරගයේ වීරයා සම්මානය හිමි විය.