2027 වසරේදී කාන්තා Champions Trophy තරගාවලියක් පැවැත්වීමට ජාත්‍යන්තර ක්‍රිකට් කවුන්සලය තීරණය කොට ඇත.සෑම වසරකම අවම වශයෙන් එක් කාන්තා ගෝලීය තරඟාවලියක් පැවැත්වීමේ උපායමාර්ගික සැලැස්මේ කොටසක් ලෙස මෙම තරගාවලිය පැවැත්වෙයි.

විස්සයි විස්ස තරග ආකෘතිය යටතේ පැවැත්වෙන මෙම තරගාවලිය 2027 වසරේ ශ්‍රී ලංකාවේ දී පැවැත්වීමට නියමිතව ඇත. මෙම නව තරගාවලියට කණ්ඩායම් හයක් ඇතුළත් වන අතර තරග 16කින් සමන්විත වේ.

ඒ අනුව අද දිනයේදී ප්‍රකාශයට පත් කළ කාන්තා තරගාවලි සටහන අනුව ඉදිරි වසර 5 තුළ ICC ජ්‍යෙෂ්ඨ කාන්තා තරගාවලි පහක් පැවැත්වීමට නියමිතය. ඊට විස්සයි විස්ස ලෝක කුසලාන දෙකක් (2026 සහ 2028), එක්දින ලෝක කුසලාන දෙකක් (2025 සහ 2029), සහ 2027 දී T20 Champions Trophy තරගාවලියක් ඇතුළත් වී ඇත.