ශ්‍රී ලංකාව සහ නවසීලන්තය අතර ක්‍රිකට් තරගාවලිය ලබන නම වැනිදා ආරම්භ වීමට නියමිතයි.
20/20 තරඟ දෙකක් සහ එක්දින තරග තුනක් තරගාවලියට ඇතුළත්. තරගාවලිය නැරඹීම සඳහා ප්‍රවේශ පත්‍ර මිලදී ගන්නා ක්‍රමවේදය ශ්‍රී ලංකා ක්‍රිකට් ආයතනය විසින් අද මාධ්‍යයට නිකුත් කළා.

එම ප්‍රවේශපත්‍ර ලබන හය වනදා සිට මාර්ග ගත ක්‍රමවේදය ඔස්සේ ලබා ගැනීමට අවස්ථාව හිමිවනවා.
ඒ www.srilankacricket.lk වෙබ් අඩවියට පිවිසීම මගින්.මේ අතර කොළඹ විද්‍යාමාවතයේ පිහිටා ඇති ප්‍රවේශපත්‍ර කවුළුව සහ විස්සයි විස්ස තරග පැවැත්වෙන දඹුල්ල අන්තර්ජාතික ක්‍රිකට් ක්‍රීඩාංගනයේ පිහිටුවා ඇති ප්‍රවේශ පත්‍ර කවුළුව ලබන හත්වනදා සිට විවෘත කෙරෙන බවයි ශ්‍රී ලංකා ක්‍රිකට් ආයතනය නිවේදනය කළේ.

මේ අතර විස්සයි තිස්ස තරඟ පැවැත්වෙන දිනයන්හිදී දඹුල්ල අන්තර්ජාතික ක්‍රිකට් ක්‍රීඩාංගනයේ ප්‍රවේශ පත්‍ර කවුළුවක් විවෘත කෙරෙනවා. තරගාවලියේ එක් දින තරග පැවැත්වෙන පල්ලෙ කැලේ අන්තර්ජාතික ක්‍රිකට් ක්‍රීඩාංගනයේ ප්‍රවේශපත්‍ර කවුළුව ලබන 15 වැනිදා විවෘත කෙරෙනවා. ශ්‍රී ලංකා ක්‍රිකට් ආයතනය නිවේදනය කළේ දින ක්‍රිකට් තරඟවල ප්‍රවේශපත්‍ර ඒම ස්ථානයෙන් මිලදී ගත හැකි බවයි. මේ අතර එක්දින තරග පැවැත්වෙන දිනවලදී බලගොල්ල අභීත ක්‍රීඩාංගනයේ දීද ප්‍රවේශපත්‍ර අලෙවි කෙරෙනවා.