ශ්‍රී ලංකා ක්‍රිකට් කණ්ඩායමේ නවසීලන්ත තරග සංචාරයේ විස්සයි 20 තරගාවලිය සඳහා නම් කළ සංචිතය අද ප්‍රකාශයට පත් කළා.
චරිත් අසලංකගේ නායකත්වයෙන් යුත් මෙම සංචිතයට ක්‍රීඩකයන් 16 දෙනෙකු ඇතුළත්.

පැතුම් නිස්සංක, කුසල් මෙන්ඩිස්, කුසල් ජනිත් පෙරේරා, අවිශ්ක ප්‍රනාන්දු, කමිඳු මෙන්ඩිස්, දිනේෂ් චන්දිමාල්, භානුක රාජපක්ෂ, වනිඳු හසරංග, මහීෂ් තීක්ෂණ, ජෙෆ්රි වැන්ඩර්සේ, චමිදු වික්‍රමසිංහ, මතීෂ පතිරණ, නුවන් තුෂාර, අසිත ප්‍රනාන්දු සහ බිනුර ප්‍රනාන්දු නම් කළ සංචිතයට ඇතුළත් සෙසු ක්‍රීඩකයින්.

ශ්‍රී ලංකාව සහ නවසීලන්තය අතර විස්සයි20 තරගාවලියට තරග 3 ක් ඇතුළත්.එම තරග මේ මස 28, 30 සහ 2025 වසරේ ජනවාරි 2 යන දිනවල පැවැත්වීමටයි සැලසුම්කර තිබෙන්නේ.

ශ්‍රී ලංකා කණ්ඩායම දෙසැම්බර් 20 වනදා නවසීලන්තය බලා පිටත්ව යාමට නියමිතයි.