[vc_row][vc_column][vc_column_text]ශ්‍රී ලංකාව සමග මෙරටදී පැවැත්වීමට නියමිතව තිබෙන ටෙස්ට් ක්‍රිකට් තරගාවලිය සදහා  නම් කළ එංගලන්ත සංචිතයෙන් වේග පන්දු යවන ක්‍රීඩක මාර්ක් වුඩ් ඉවත් කර තිබෙනවා. ඒ ඔහු ආබාධයකට ලක්ව තිබීම හේතුවෙන්.

වුඩ් මෙලෙස ආබාධයට ලක්ව තිබෙන්නේ දකුණු අප්‍රිකාවට එරෙහිව නිමා වූ ක්‍රිකට් තරගාවලිය අතරතුරදීයි. එම තරගවලියේදී ඔහු ටෙස්ට් තරග 2 සහ 20 යි 20 තරග 3 හිදීම කණ්ඩායම නියෝජනය කළ අතර එහිදී කඩුලු 16 ක් දවා ගැනීමට සමත් වුණා. තරගාවලිය නිමා කිරීමෙන් පසු ඔහු වෛද්‍ය පරීක්ෂණයකට යොමු කෙරුණු අතර එහිදී තීරණය වී තිබෙන්නේ මාර්ක් වුඩ්ට ශ්‍රී ලංකාවට එරෙහිව පැවැත්වෙන තරගාවලිය සදහා ක්‍රීඩා කිරීමේ හැකියාවක් නොමැති බවයි. ඔහු වෙනුවට කණ්ඩායමට කැදවා තිබෙන්නේ සකීබ් මහමූඩ්. ඔහු එංගලන්ත කණ්ඩායම වෙනුවෙන් එක්දින වරම් හිමි කර ගත්තද තවමත් ටෙස්ට් වරම් හිමි කර ගෙන නැහැ. ශ්‍රී ලංකාවට එරෙහිව පැවැත්වෙන ටෙස්ට් ක්‍රිකට් තරගාවලිය සදහා සහභාගී වීඹට එංගලන්ත කණ්ඩායම මාර්තු මස 2 වැනිදා මෙරටට පැමිණීමට නියමිතයි. ශ්‍රී ලංකාව සහ එංගලන්තය අතර පළමු ටෙස්ට් ක්‍රිකට් තරගය මාර්තු මස 19 වැනි ආරම්භ වන්නේ ගාල්ල ජාත්‍යන්තර ක්‍රිකට් ක්‍රීඩාංගණයේදීයි.[/vc_column_text][/vc_column][/vc_row]