[vc_row][vc_column][vc_column_text]පාකිස්තාන A කණ්ඩායම හා බංග්ලාදේශ වයස අවුරුදු 19න් පහළ කණ්ඩායම එළඹෙන ඔක්තෝබර් මසදී මෙරට සංචාරය කිරීමට නියමිතය. ඒ අනුව පාකිස්තාන A කණ්ඩායම මෙරටදී සිව්දින තරග දෙකකට හා සීමිත පන්දුවාර එක්දින තරග 3කට ක්‍රීඩා කිරීමට නියමිත අතර එම තරග සියල්ලම දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වීමට නියමිතය.

බංග්ලාදේශ වයස අවුරුදු 19න් පහළ කණ්ඩායම මෙරටදී එක්දින තරග 5කට ක්‍රීඩා කිරීමට නියමිත අතර එම තරග කොළඹ ආර් ප්‍රේමදාස ක්‍රීඩාංගණයේදී පැවැත්වෙන බවට ශ්‍රී ලංකා ක්‍රිකට් විධායක නිළධාරී ඈෂ්ලි ද සිල්වා මහතා ප්‍රකාශ කොට ඇත. 19න් පහළ තරගාවලිය පැවැත් වනුයේ දෙසැම්බර් මස පැවැත්වෙන ආසියානු කුසලාන තරගාවලිය හා එළඹෙන වසරේ පෙබරවාරි මසදී දකුණු අප්‍රිකාවේ පැවැත්වෙන යොවුන් ලෝක කුසලාන තරගාවලිය ඉලක්ක කරගනිමින්ය.

ශ්‍රී ලංකා වයස අවුරුදු 19න් පහළ කණ්ඩායමේ ප්‍රධාන පුහුණුකරු ලෙසින් ශ්‍රී ලංකා හිටපු ආරම්භක පිතිකරු අවිශ්ක ප්‍රනාන්දු කටයුතු කරයි. ශ්‍රී ලංකා A කණ්ඩායමේ ප්‍රධාන පුහුණුකරු මනෝජ් අබේවික්‍රම එළඹෙන ලෝක කුසලාන තරගාවලියේදී ශ්‍රී ලංකා කණ්ඩායම සමගින් එක්වීමට නියමිත හෙයින් පාකිස්තාන තරගාවලිය වෙනුවෙන් නව පුහුණුකරුවෙකු පත්කිරීමට සිදුවනු ඇත. ශ්‍රී ලංකා A කණ්ඩායමේ පිතිකරණ පුහුණුකරු ලෙසින් රුවින් පීරිස්ද, වේගපන්දු හා දගපන්දු පුහුණුකරුවන් ලෙසින් දර්ශන ගමගේ හා සජීව වීරකෝන් කටයුතු කරයි.

Creeda Sports Network

[/vc_column_text][/vc_column][/vc_row]