[vc_row][vc_column][vc_column_text]

MCC හි සභාපතිවරයා වූ හිටපු ශ්‍රී ලංකා නායක කුමාර් සංගක්කාර එම භූමිකාව මාර්ක් නිකලස් වෙත ලබා දී ලෝක ක්‍රිකට් කමිටුවේ සභාපතිවරයා ලෙස නව තනතුරක් ලබා ගැනීමට සූදානම් වෙයි. මාලිබොන් ක්‍රීඩා සමාජය සඳුදා නිවේදනය කළේ ශ්‍රී ලංකා හිටපු නායක කුමාර් සංගක්කාර ඔවුන්ගේ ලෝක ක්‍රිකට් කමිටුවේ නව සභාපතිවරයා ලෙසින් පත්වන බවයි. ඒ අනුව මාර්ක් නිකලස් මාලිබෝන් ක්‍රීඩා සමාජයේ නව සභාපතිවරයා ලෙස වැඩ භාර ගන්නා බව ද ඔවුන් සඳහන් කොට ඇත.

සංගක්කාර 2021 වසරේ සිට MCC හි සභාපති ලෙස කටයුතු කර ඇති අතර, සෞරව් ගංගුලි වැනි ප්‍රකට ක්‍රිකට් ක්‍රීඩකයන්ගෙන් සමන්විත ලෝක ක්‍රිකට් කමිටුවේ සභාපතිවරයා ලෙස වසර හයක් සේවය කළ මයික් ගැටිං වෙනුවට සංගක්කාර එම තනතුරට පත් වනු ඇත. 2015 වසරේ ජාත්‍යන්තර ක්‍රිකට් පිටියට සමුදුන් සංගක්කාර IPL ෆ්‍රැන්චයිස් කණ්ඩායමක් වන රාජස්ථාන් රෝයල්ස් හි ප්‍රධාන පුහුණුකරු ධූරයක්, කළමනාකරණ ධූරයක් දැරූ අතර ඊට අමතරව විස්තර විචාරකයෙක් ලෙසද කටයුතු කර ඇත.[/vc_column_text][/vc_column][/vc_row]