2024 දෘශ්‍යාබාධිත විස්සයි විස්ස ලෝක කුසලාන තරගාවලියේ දෙවන ජයග්‍රහණයත් ලබා ගැනීමට ශ්‍රී ලංකා කණ්ඩායම අද දිනයේදී සමත් වුණා. ඒ ඇෆ්ගනිස්ථාන කණ්ඩායම පරාජයට පත් කරමින්.

පාකිස්තානයේ ලාහෝර්හි දී පැවැති මෙම තරගයේ පළමුව පන්දුවට පහර දුන් ඇෆ්ගනිස්ථානය පන්දුවාර විස්ස තුළ කඩුලු 8ක් දැවී ලකුණු 120ක් රැස්කළා. ශ්‍රී ලංකාව වෙනුවෙන් දිමුත් සදරුවන් කඩුලු 2 ද දිනේෂ්, චන්දන සහ මුනසිංහ යන ක්‍රීඩකයන් කඩුල්ල බැගින් දවාගැනීමට සමත් වුණා.

ඉලක්කය හඹායාමට පිටියට පිවිසෙන ශ්‍රී ලංකා කණ්ඩායම පන්දුවාර 12 එක් පන්දුවක් තුළ කඩුලු 2 පමණක් දැවී ලකුණු 121ක් රැස්කරමින් තරගය ජයග්‍රහණය කිරීමට සමත් වුණා.

චන්දන දේශප්‍රිය ලකුණු 51ක් සහ දිමුතු සදරුවන් ලකුණු 49 බැගින් නොදැවී රැස්කරමින් ශ්‍රී ලංකා කණ්ඩායම ජයග්‍රහණය කරා රැගෙන යාමට සමත් වුණා.

ඊයේ දිනයේ දී නේපාලය පරාජයට පත් කිරීමට ද ශ්‍රී ලංකාව සමත් වූ අතර පිට පිට දෙවන තරගයත් අද දිනයේදී ජයග්‍රහණය කළා. හෙට ශ්‍රී ලංකා කණ්ඩායම බංග්ලාදේශයට එරෙහිව තරග වැදීමට නියමිතයි.