අන්තර් සමාජ ලීග් රග්බි තරගාවලියේ, ශ්‍රී ලයන්ස් කණ්ඩායම සහ මහනුවර කණ්ඩායම අතර තරගයෙන් ජය හිමි කර ගැනීමට මහනුවර කණ්ඩායම සමත් වුණා. තරගය පැවැත්වුණේ, මහනුවර නිත්තවෙල ක්‍රීඩාංගනයේදී.

තරගයේ පළමු අර්ධය නිමා වන විට මහනුවර කණ්ඩායම ලකුණු 27 ක් රැස් කර ගෙන සිටියා. ශ්‍රී ලයන්ස් කණ්ඩායම, රැස් කර ගෙන තිබූ ලකුණු සංඛ්‍යාව 14 ක්. දෙවැනි අර්ධයේදී, මහනුවර ක්‍රීඩකයින් තවත් ලකුණු 34 ක් ලබා ගත්තා. එහිදී, ශ්‍රී ලයන්ස් කණ්ඩායමට කිසිදු ලකුණක් රැස් කිරීමට හැකි වූයේ නැහැ. ඒ අනුව, මහනුවර ක්‍රීඩකයින් තරග ජය ගත්තේ, ලකුණු 61 ට 14 ක් ලෙසයි. ඔවුන් ලකුණු රැස් කළේ, ගෝල දිනුම් 6 ක් උත්සාහක දිනුම් දෙකක් සහ දඩුවම් පහර තුනක් මගින්.