[vc_row][vc_column][vc_column_text]කොදෙව් සුපිරි ප්‍රහාරාත්මක පිතිකරු ක්‍රිස් ගේල් මෙවර ඉන්දීය ප්‍රිමියර් ලීග් තරගාවලියේ දෙවන අදියරෙන් ඉවත් වීමට තීරණය කොට ඇත. පංජාබ් කිංග්ස් කණ්ඩායම මේ බව නිළවශයෙන් ප්‍රකාශයට පත් කොට ඇති අතර ජෛව බුබුලෙහි විඩාකාරී බව හේතුවෙන් ගේල් මෙම තීරණයට එළඹ ඇති බව සදහන්ය.

කැරීබියන් ප්‍රිමියර් ලීග් තරගාවලියේ ජෛව බුබුලෙන් ඉන්දීය ප්‍රිමියර් ලීග් තරගාවලියේ ජෛව බුබුලට එක් වූ ක්‍රිස් ගේල් සදහන් කොට ඇත්තේ ලෝක කුසලාන තරගාවලියට පෙර මානසික වශයෙන් ප්‍රබෝධයක් ලබාගැනීමට මෙම තීරණය ගත් බවයි.

” එළඹෙන ලෝක කුසලාන තරගාවලියේදී බටහිර ඉන්දීය කොදෙව් කණ්ඩායමට උදව් කිරීම කෙරෙහි අවධානය යොමු කිරීමට මට අවශ්‍යයි. ඒ හේතුවෙන් විවේකයක් ගැනීමට මම කැමතී. මට විවේකයක් ලබාදීම සම්බන්ධයෙන් පංජාබ් කිංග්ස් කණ්ඩායමට ස්තුතිවන්ත වෙනවා. ඉදිරි තරග වෙනුවෙන් මම කණ්ඩායමට සුභපතනවා.”

මෙම වසරේදී ක්‍රිස් ගේල් විස්සයි විස්ස පිටියේ තරග 37කට ක්‍රීඩා කොට ඇති අතර ඔහුට වඩා වැඩියෙන් ක්‍රීඩා කොට ඇත්තේ ක්‍රීඩකයන් 6ක් පමණි. 42 හැවිරිදි ක්‍රිස් ගේල් IPL තරගාවලියෙන් ඉවත් වීම සම්බන්ධයෙන් පංජාබ් කිංග්ස් ප්‍රධාන පුහුණුකරු අනිල් කුම්බ්ලේ අදහස් දක්වා ඇත.

” මම ගේල්ට එරෙහිව ක්‍රීඩා කරල තියෙනවා. ඒවගේම පංජාබ් පිළේ පුහුණුකරු වශයෙනුත් මම ඔහුව වසර කිහිපයක් තිස්සේ දන්නවා. අපි කණ්ඩායමක් වශයෙන් ඔහුගේ තීරණයට ගරු කරනවා.”

Creeda Sports Network[/vc_column_text][/vc_column][/vc_row]