[vc_row][vc_column][vc_column_text]ශ්‍රී ලංකා හිටපු වේගපන්දු යවන ක්‍රීඩක ධම්මික ප්‍රසාද් Everest ප්‍රිමියර් ලීග් තරගාවලියේදී පන්දුවෙන් දස්කම් පාන්නට අද දිනයේදී සමත් විය. තරගාවලියේ 8වන තරගයේදී ලකුණු 6ක් තුළදී කඩුලු 3ක් දවාගැනීමට ධම්මික ප්‍රසාද් සමත්කම් දැක්වීය.

Kirtipur හිදී පැවැත්වෙන Biratnagar Warriors කණ්ඩායමට එරෙහි තරගයේදී පන්දුවාර 3ක් යොමුකළ ධම්මික ප්‍රසාද් එක් නිලකුණු පන්දුවාරයක්ද සමගින් ලකුණු 6කදී කඩුලු 3ක් දවාගත්තේය. Biratnagar Warriors කණ්ඩායමට පන්දුවාර 17 පන්දු 4ක් තුළදී රැස්කිරීමට ලකුණු 89ක් පමණි. Biratnagar Warriors කණ්ඩායම වෙනුවෙන් ශ්‍රී ලංකා පිතිකරු දිල්ෂාන් මුණවීර ලකුණු 25ක් රැස්කිරීමට සමත් විය.

ධම්මික ප්‍රසාද් එවරස්ට් ප්‍රිමියර් ලීග් තරගාවලියේ Bhahirawa Gladiators කණ්ඩායම නියෝජය කරයි. එම කණ්ඩායමට බංග්ලාදේශ ආරම්භක පිතිකරු ටමිම් ඉක්බාල්ද ඇතුළත්ය. ශ්‍රී ලංකා හිටපු ආරම්භක පිතිකරු උපුල් තරංග බහිරව ග්ලැඩියේටර්ස් කණ්ඩායමෙහි කඩුලු රකින්නා ලෙසින් කටයුතු කරයි.

ධම්මික ප්‍රසාද් නියෝජනය කරන Bhahirawa Gladiators කණ්ඩායම මුහුණ දුන් පළමු තරගයට වර්ෂාවෙන් බාධා එල්ල විය. අද දිනයේදී ඔවුන් මුහුණ දෙනුයේ දෙවන තරගය වෙනුවෙනි.[/vc_column_text][/vc_column][/vc_row]