[vc_row][vc_column][vc_column_text]

21වැනි DSI සුපර්ස්පෝර්ට් පාසල් වොලිබෝල් තරගාවලියේ අවසන් මහා තරග මේ සති අන්තයේ දී එනම් සැප්තැම්බර් 23 සහ 24 දෙදින පුරාවට කොළඹ සුගතදාස ගෘහස්ථ ක්‍රීඩාංගණයේදී පැවැත්වීමට සියලු කටයුතු සූදානම් කර ඇත. ශ්‍රී ලංකා වොලිබෝල් සම්මේලනයේ සහ ශ්‍රී ලංකා පාසල් වොලිබෝල් සංගමයේ නොමසුරු සහයෝගය ඇතිව වාර්ෂිකව සංවිධානය කරනු ලබන මෙම තරගාවලිය ශ්‍රී ලංකාවේ පැවැත්වෙන අංක එකේ පාසල් වොලිබෝල් තරගාවලියයි.

මෙම තරඟාවලිය දිස්ත්‍රික්, පළාත් සහ ජාතික මට්ටම දක්වා වූ අදියරයන්ගෙන් සමන්විත විය.2023 වසරේ ජූලි සහ අගෝස්තු මාසවලදී දිස්ත්‍රික් තරග පැවති අතර ඒවායින් මුල් ස්ථාන දෙක ලබා ගත් කණ්ඩායම් පළාත් මට්ටමට සුදුසුකම් ලැබීය. පළාත් මට්ටමේදී ශූරතාවය, අනුශූරතාවය සහ 3 වැනි ස්ථාන හිමිකරගත් හොඳම කණ්ඩායම් ජාතික මට්ටමට සුදුසුකම් ලැබීය. ජාතික මට්ටමේ තරග අගෝස්තු සහ සැප්තැම්බර් මාසවලදී පැවැත්විණි. ජාතික මට්ටමේ අවසන් මහා තරග මේ සති අන්තයේ දී පැවැත්වෙයි. මෙම තරගාවලිය වයස අවුරුදු 11 න් පහළ බාලක සහ බාලිකා, 13 න් පහළ බාලක සහ බාලිකා, 15 න් පහළ බාලක සහ බාලිකා, 17 න් පහළ බාලක බාලිකා සහ 19න් පහළ බාලක බාලිකා යන විවිධ වයස් කාණ්ඩ වලින් යුක්තය[/vc_column_text][/vc_column][/vc_row]