[vc_row][vc_column][vc_column_text]එක්දින තරඟ 3 ක් සඳහා ශ්‍රී ලංකා කාන්තා ක්‍රිකට් කණ්ඩායම පාකිස්තානයේ සංචාරයක නිරතවීමට නියමිතයි.ලබන මස පැවැත්වීමට නියමිතව ඇති මෙම එක්දින තරඟ තුන සඳහා ශ්‍රී ලංකා කාන්තා කණ්ඩායමේ නායකත්වයේ වෙනසක් සිදුවීමට නියමිතව තිබෙනවා.

ඒ අනුව හර්ෂිතා මාධවී මෙම පාකිස්තාන සංචාරය සඳහා ශ්‍රී ලංකා කාන්තා කණ්ඩායමේ නායකත්වයට පත්කිරීමට නියමිතයි.

මෙලෙස නායකත්වය වෙනස් කිරීමට හේතු වී ඇත්තේ බිග් බෑෂ් කාන්තා ලීග් ක්‍රිකට් තරඟාවලිය පර්ත් ස්කෝචරස් කණ්ඩායම නියෝජනය කිරීම සඳහා ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු ඕස්ට්‍රේලියාව බලා පිටත්ව ගොස් ඇති නිසයි.

කෙසේවෙතත් සිම්බාබ්වේ හීදි පැවැත්වෙන කාන්තා ලෝක කුසලාන සුදුසුකම් වටයේ තරඟ සඳහා ශ්‍රී ලංකා කාන්තා කණ්ඩායමේ නායකත්වය දරන්නේ නිත්‍ය නායක චමරි අතපත්තු ‍යි.

පුහුණු තරඟයක් හා එක්දින තරඟ 3 කින් සමන්විත පාකිස්තාන සංචාරයට සහභාගිවීම සඳහා ශ්‍රී ලංකා කාන්තා ක්‍රිකට් කණ්ඩායම ඔක්තෝම්බර් මස 15 වැනිදා දිවයිනෙන් පිටත්ව යෑමට නියමිතයි.

නවසීලන්තය කණ්ඩායම පාකිස්තාන සංචාරය ආරක්ෂක හේතු පවසමින් ඉවත්වීමෙන් අනතුරුව පාකිස්තානයේ සංචාරය කරන පළමු විදේශීය ක්‍රිකට් කණ්ඩායම වන්නේ ශ්‍රී ලංකා කාන්තා ක්‍රිකට් කණ්ඩායමයි.[/vc_column_text][/vc_column][/vc_row]