ඉන්දීය ප්‍රිමියර් ලීග් තරගාවලි ඉතිහාසයේ වැඩිම ලංසුවක් හිමි වූ ක්‍රීඩකයා ලෙසින් වාර්තා පොත් අතරට එක්වන්නට ඕස්ට්‍රේලියානු නායක පැට් කමින්ස් සමත් විය. ඒ අද දිනයේදී පැවැත්වෙන ඉන්දීය ප්‍රිමියර් ලීග් තරගාවලියේ ක්‍රීඩක වෙන්දේසියේදී කෝටි 20.5ක මුදලකට අලෙවි වීමත් සමගයි.

සන්රයිසස් හයිද්‍රාබාද් කණ්ඩායම විසින් පැට් කමින්ස්ට කෝටි 20.5ක ලංසුවක් තබද්දී IPL ඉතිහාසයේ කෝටි 20 ඉක්මවූ ලංසුවක් ලද පළමු ක්‍රීඩකයා බවට පත් වන්නටද පැට් කමින්ස්ට හැකිවිය. මින් පෙර ඉන්දීය ප්‍රිමියර් ලීග් ඉතිහාසයේ වැඩිම ලංසුවක් හිමිවූ ක්‍රීඩකයා වූයේ සෑම් කරන්ය. ඔහුට පසුගිය වසරේ දී ඉන්දීය කෝටි 18.5ක වටිනාකමක් හිමි විය.

IPL ඉතිහාසයේ වැඩිම ලංසුවක් ලද ක්‍රීඩකයන්
පැට් කමින්ස් – කෝටි 20.5
සෑම් කරන් – කෝටි 18.5
කැමරන් ග්‍රීන් – කෝටි 17.5
බෙන් ස්ටෝක්ස් – කෝටි 16.25
ක්‍රිස් මොරිස් – කෝටි 16.25