කෙන්යාවේ නයිරෝබි නුවර ආරම්භ වූ “නයිරෝබි ක්‍රිකට් ලීග්” තරගාවලිය අතරමග නවතා දමා තිබෙනවා. සැප්තැම්බර් මස 15 වනදා ආරම්භ වීමට නියමිතව තිබුණු මෙම තරගාවලිය සැප්තැම්බර් 18 ආරම්භ වන බව පැවසුණ ද, එය ආරම්භ වූයේ සැප්තැම්බර් 21 වනදායි.

එදින තරග දෙකක් සහ දෙවන දිනයේ පළමු තරගයත් සාර්ථකව අවසන් වී තිබෙනවා. තරගාවලියේ සිව්වන තරගය සඳහා කාසියේ වාසිය ද උරගා බැලීමෙන් පසුව එක් වරම තරගාවලිය අත්හිටුවීමට සංවිධායකයන් පිරවර ගත් බවයි වාර්තා වන්නේ.

අනුග්‍රාහකත්වයන් සම්බන්ධයෙන් හටගත් ගැටලු හේතුවෙන් මෙලෙස තරගාවලිය අතරමග නතර කෙරුණු බව ද සඳහන්. කෙසේ නමුත් නැවත නුදුරු දිනක තරගාවලිය යලි ආරම්භ කරන බව ද සංවිධායකයන් පවසා තිබෙනවා. මෙම තරගාවලියට එක් වූ ශ්‍රී ලාංකික ක්‍රීඩකයන් 7 දෙනාගෙන් 6 දෙනෙක් මේ වන විට අද නැවත දිවයනට පැමිණ ඇති අතර චරිත් ජයම්පති එරට දේශීය ක්‍රිකට් තරගාවලිය සඳහා තව දුරටත් සහභාගි වනවා.