[vc_row][vc_column][vc_column_text]පාකිස්තාන A කණ්ඩායම සමගින් පැවැත්වීමට නියමිත තරගාවලිය වෙනුවෙන් ශ්‍රී ලංකා A කණ්ඩායම මෙහෙයවීමේ වගකීම සදීර සමරවික්‍රමට පැවරී ඇතැයි වාර්තා වේ. 26 හැවිරිදි දකුණු පිතිකරු සදීර සමරවික්‍රම කඩුලු රකින්නෙකු ලෙසින් සිය භූමිකාව ඉටුකරන ක්‍රීඩකයෙකි.

සදීර සමරවික්‍රම තරග ආකෘති තුනෙන්ම ශ්‍රී ලංකා ජාතික කණ්ඩායම නියෝජනය කළ ක්‍රීඩකයෙකි. සදීර සමරවික්‍රම ශ්‍රී ලංකාව වෙනුවෙන් ටෙස්ට් තරග 4ක් එක්දින තරග 7ක් හා විස්සයි විස්ස තරග 9කට ක්‍රීඩා කොට ඇත. දේශීය ක්‍රිකට් පිටියේ දස්කම් දක්වා ඇති සදීර පළමු පෙළ ලකුණු 3108ක් හා List A (එක්දින) ලකුණු 2251ක් රැස්කිරීමට සමත් වී ඇති ක්‍රීඩකයෙකි.

පාකිස්තාන A කණ්ඩායම සමගින් පැවැත්වෙන තරගාවලිය වෙනුවෙන් ක්‍රීඩකයන් 22කින් සමන්විත ශ්‍රී ලංකා සංචිතය ඉදිරියේදී නිළවශයෙන් ප්‍රකාශයට පත් කිරීමට නියමිතය. තරගාවලිය වෙනුවෙන් නම් කළ ශ්‍රී ලංකා සංචිතය ක්‍රීඩා අමාත්‍යවරයාගේ නිර්දේශය වෙනුවෙන් ඉදිරිපත් කොට ඇත.

පාකිස්තාන A කණ්ඩායම සමගින් පැවැත්වෙන තරගාවලියට නිළනොවන ටෙස්ට් තරග 2ක් හා නිළනොවන එක්දින තරග 3ක් ඇතුළත්ය. ටෙස්ට් තරගාවලිය එළඹෙන ඔක්තෝබර් මස 28වනදා පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතය. එක්දින තරගාවලිය නොවැම්බර් මස 10වනදා කොළඹදී ආරම්භ වනු ඇත.

Creeda Sports Network[/vc_column_text][/vc_column][/vc_row]