[vc_row][vc_column][vc_column_text]ශ්‍රී ලංකා ක්‍රිකට් ආයතනය YouTube නාලිකාව ඔස්සේ විකාශය කරන ලද දකුණු අප්‍රිකාව සහ ශ්‍රී ලංකාව අතර තෙවැනි එක්දින තරගය නිමාවට පත් වන විට එය වාර්තාගත නැරඹුම් වාර සංඛ්‍යාවක් සටහන් ව තිබේ. මෙය සංඛ්‍යාත්මක අගයක් ලෙස ගැනීමේදී මිලියන 3.5 ක් ඉක්මවන්නක් වේ.

ශ්‍රී ලාංකේය YouTube නාළිකාවක අඩුම කාලයක් තුළ වැඩිම ප්‍රේක්ෂකයින් සංඛ්‍යාවක් නරඹන ලද පළමු අවස්ථාව ලෙසින්ද මෙය සනිටුහන් වේ. මෙහි විශේෂත්වය වන්නේ සජීවීව තරගය නරඹන ලද සියළුම ප්‍රේක්ෂකයින් ශ්‍රී ලංකාව ඇතුළත අය වීමය. දකුණු අප්‍රිකානු ක්‍රිකට් කණ්ඩායමේ ශ්‍රී ලංකා තරග සංචාරය යටතේ වූ එක්දින තරගාවලියේ ශූරතාව දිනා ගැනීම සඳහා තීරණාත්මක වුණු තෙවැනි තරගයෙන් ලකුණු 78 ක විශිෂ්ඨ ජයක් වාර්තා කර ගැනීමට ශ්‍රී ලංකා කණ්ඩායම සමත්විය.

ඒ අනුව දකුණු අප්‍රිකාවට එරෙහිව පැවැත්වෙන තරග 3 කින් සමන්විත විස්සයි-20 ක්‍රිකට් තරගාවලිය සැප්තැම්බර් 10 වැනිදා ආර්. ප්‍රේමදාස ක්‍රීඩාංගණයේදී ආරම්භ වන අතර එම තරගාවලියද ප.ව. 7.00 සිට ශ්‍රී ලංකා ක්‍රිකට් YouTube නාළිකාව ඔස්සේ සජීවීව විකාශනය වනු ඇත.[/vc_column_text][/vc_column][/vc_row]