අන්තර් සමාජ රග්බි තරගාවලිය නොවැම්බර් මස අග දී ආරම්භ වීමට නියමිතය. මෙවර තරගාවලිය වෙනුවෙන් කණ්ඩායම් 9ක් සහභාගි වීමට නියමිතය. මෙවර තරගාවලිය වෙනුවෙන් පළමු වරට ශ්‍රී ලයන්ස් කණ්ඩායමද තරග වැදීමට සූදානමින් පසුවෙයි.
ශ්‍රී ලයන්ස් ක්‍රීඩා සමාජ කණ්ඩායමට ක්‍රීඩා අධ්‍යක්ෂ ජෙනරාල් Dr. ශෙමාල් ප්‍රනාන්දු අවසර ලබාදී ඇති නමුත් පසුගිය දා ක්‍රීඩා අමාත්‍යාංශයේ පැවති රැස්වීමකදී ක්‍රීඩා සමාජ කිහිපයක් ඊට විරෝධය පළකොට ඇත.
මෙම නව ක්‍රීඩා සමාජයට හිටපු ශ්‍රී ලංකා ක්‍රීඩකයන් කිහිපදෙනෙකු මෙන්ම පාසල් රග්බි ලීගයේ දක්ෂතා දැක්වූ ක්‍රීඩකයන් කිහිපදෙනෙකු ද එක් කොට ගෙන ඇත. නව ක්‍රීඩා සමාජ කණ්ඩායම් නායකත්වය කෙවින් ඩික්සන්ට හිමිවී ඇති අතර රජීව් පෙරේරා එහි ප්‍රධාන පුහුණුකරු ලෙසින් කටයුතු කරයි. කොළඹ ආනන්ද විද්‍යාලයීය රග්බි ක්‍රීඩාංගණය මීළඟ තරගවාරය වෙනුවෙන් ශ්‍රී ලයන්ස් ක්‍රීඩා සමාජයේ නිවහන බවට පත් වනු ඇත.
