ශ්‍රී ලංකාව සමග අද ආරම්භ වූ පලමු ටෙස්ට් ක්‍රිකට් තරගයේ පලමු දිනය නිමාවන විට ඔස්ට්‍රේලියාව පලමු ඉනිම සදහා කඩුලු 2 ක් දැවී ලකුණු 330 ක් ලබා සිටියා.තරගය පැවැත්වෙන්නේ ගාල්ල ජාත්‍යන්තර ක්‍රිකට් ක්‍රීඩාංගණයේදී.

කාසියේ වාසිය හිමි කර ගත් ඔස්ට්‍රේලියාව පලමුවෙන් පන්දුවට පහර දීමට තීරණය කලා.ඉනිම ආරම්භ කලේ උස්මාන් කවාජා සහ ට්‍රැවිස් හෙඩ්.පළමු කඩුල්ල ලෙස ට්‍රැවිස් හෙඩ් ලකුණු 57 කට දැවී ගියා.

තම ටෙස්ට් ක්‍රිකට් දිවියේ 16 වැනි ශතකය වාර්තා කිරීමට උස්මාන් කවාජා අද සමත් වුණා.ස්ටීව් ස්මිත් අද වාර්තා කලේ තම ටෙස්ට් ක්‍රිකට දිවියේ 35 වැනි ශතකයයි.ඔහු අද තම ටෙස්ට් ලකුණු 10,000 සීමාවද පහු කලා.

අද දිනය නිමා වන විට උස්මාන් කවාජා නොදැවී ලකුණු 147 ක් සහ ස්ටීව් ස්මිත් නොදැවී ලකුණු 104 ක් ලබා සිටියා.