ජාත්‍යන්තර ක්‍රිකට් කවුන්සිලය ප්‍රකාශයට පත් කළ පන්දුවාර විස්සයි විස්ස පිතිකරු ශ්‍රේණි ගත කිරීම් අනුව දස වන ස්ථානයට පැමිණීමට ශ්‍රී ලංකාවේ කුසල් ජනිත් පෙරේරා සමත් වී තිබෙනවා. ඒ, ස්ථාන 26ක් ඉදිරියට පැමිණෙමින්.

නවසීලන්තය සමඟ ඉකුත්දා අවසන් වූ පන්දුවාර විස්ස තරගාවලියේදී ශතකයක් සමඟ ලකුණු 149ක් රැස් කිරීම ඊට හේතුවයි.කුසල් ජතින් පෙරේරාට ශ්‍රේණි ගත කිරීම් ලකුණු 675 ක් හිමියි.

කෙසේවෙතත් පන්දු වාර විස්සයි විස්ස පිතිකරු ලැයිස්තුවේ එක් ස්ථානයක් පසු බැසීමට ශ්‍රී ලංකාවේ පැතුම් නිස්සංකට සිදුව තිබෙනවා. ඔහු මේ වන විට සිටින්නේ 07 වන ස්ථානයේයි. කුසල් මෙන්ඩිස් ද එක් ස්ථානයක් පසු බසිමින් 12 වන ස්ථානයට පත්ව තිබෙනවා.