වයස අවුරුදු 19 පහළ කාන්තා 20-20 ලෝක කුසලාන ක්‍රිකට් තරගාවලියේ මැලේසියාව සමග අද පැවති තරගය ලකුණු 139කින් ජය ගැනීමට ශ්‍රී ලංකා ක්‍රීඩිකාවන් සමත් වුණා.තරගය පැවැත්වුනේ මැලේසියාවේ ක්වාලාලම්පුර් නුවරදි.

පළමුවෙන් පන්දුවට පහර දුන් ශ්‍රී ලංකා වයස 19 පහළ කාන්තා කණ්ඩායම පන්දුවර 20 ඇතුළත කඩුලු 6 කට ලකුණු 162ක් රැස් කළා.දැහැමි සෙනෙත්මා ලකුණු 55ක් ලබා ගත් අතර සංජනා කාවින්දි ලකුණු 30යි.

පිළිතුරු ලෙස මැලේසියා ක්‍රිඩිකාවන්ට පන්දුවර 14 පන්දුවකදි සියලු දෙනා දැවි රැස් කිරීමට හැකි වුණේ ලකුණු 23ක් පමණයි.ඔවුන්ගේ කිසිදු ක්‍රිඩිකාවක් ලකුණු 10යේ සීමාව පසු කලේ නැහැ.පන්දු යැවීමේදී චමෝදි ‍ප්‍රබෝදා කඩුලු 3ක් සහ ලිමන්සා තිලකරත්න කඩුලු 2ක් බිඳ හෙළුවා.