වයස අවුරුදු 19 න් පහළ ආසියානු කුසලාන 20-20 කාන්තා ක්‍රිකට් තරගාවලියේ තමන් මුහුණ දුන් දෙවැනි තරගයෙන් ශ්‍රී ලංකා කණ්ඩායම අද පරාජයට පත් වුණා. ඒ, බංග්ලාදේශය හමුවේ ලකුණු 28 කින්.

තරගාවලිය බංග්ලාදේශයේ ක්වාලලම්පූර් හිදී පැවැත්වෙනවා. වර්ෂාව හේතුවෙන් තරගයේ එක් ඉනිමක් පන්දුවාර 17 කට සීමා කෙරුණා. පළමුවෙන් පන්දුවට පහර දුන් බංග්ලාදේශ ක්‍රීඩිකාවන් සිය පන්දුවාර 17 තුළ කඩුලු 9 ක් දැවී ලකුණු 122 ක් රැස් කළා. සාදියා අක්තර් ලකුණු 31 යි. පන්දු යැවීමේදී රෂ්මිකා සෙව්වන්දි කඩුලු 4 ක් දවා ගත්තා. පිළිතුරු ලෙස ශ්‍රී ලංකා ක්‍රීඩිකාවන්ට නියමිත පන්දුවාර සංඛ්‍යාව අවසානයේ රැස් කර ගත හැකි වූයේ ලකුණු 94 ක් පමණයි. සංජනා කාවින්දි ලකුණු 21 යි. තරගාවලියේ පළමු තරගයේදී ශ්‍රී ලංකා කණ්ඩායම මැලේෂියාව හමුවේ ජය හිමි කර ගැනීමට සමත් වුණා.